Austevoll vidaregåande skule

Austevoll vidaregåande skule må vere blant landets beste skular.

Elevane trivst og lærer mykje. Engasjerte og dyktige lærarar står for undervisninga. Utstyret er skikkeleg, til og med ein eigen flåte av opplæringsbåtar, pluss eit oppdrettsanlegg. Talet på elevar som søker er høgare enn talet på skuleplassar, og nesten ingen avsluttar opplæringa undervegs.

Austevoll vidaregåande skule er skulen med både hovud og hjarte. Kva annan skule veit du om som ringer til elevar som har forsove seg?

Austevoll vidaregåande skule er ein av dei viktige aktørane som står bak Blått kompetansesenter vest og utdannar framtidas fiskarar og sjømenn, havbrukarar og forskarar.